Já það er kominn föstudagur. Fínt að leggja höfuðið í bleyti í ýmsum merkingum og reyna að svara hvað standi hérna að neðan

Þangað til næst ..

Já það er komið að fimmtudagsfyrirsögnum. Þessar eru með frekar óvenjulegu þema og er það kannski vegna þess að einhverjir eru í RVK og erum við bara tvö sem dveljum í Brekkukoti þessa dagana.



OG KVITTA TAKK :)

Þangað til næst ..

Já ég er varla einn um það að finnast kjánalegt þegar fólk er að svara spurningarlistum til að keppa í fegurðarsamkeppnum. Oft eru þetta það innihaldslitlar spurningar að svörin verða aldrei áhugaverð og viðtölin eru allra sjaldnast skemmtileg lesning. Ég ætla að svara svona list hér að neðan eins heiðarlega og ég get:

Heimili: Skipholt í RVK en ég er frá Neskaupstað

Fjölskylduhagir: Kem nú úr ágætri fjölskyldu svona, og er makalaus

Foreldrar: Hjörvar Moritz og Sigrún Júlía Geirsdóttir

Systkini: Bríet Ósk Moritz

Skólaganga: Stúdent frá VA 2005 og er á 2. ári í Kennaraháskólanum
 
Áhugamál: Fíflaskapur, fótbolti og tónlist

Uppáhaldsstaður á íslandi:  Silfurtún á Fáskrúðsfirði og Viðfjörður

En erlendis: Sandavogur í Færeyjum

Hvaða hlutir í eigu þinni gætur þú síst verið án: Gítarins maður 

Hvaða íþróttamanni hefur þú mestar mætur á: Mcihael Jordan og Einari Hólmgeirssyni

Uppáhalds tónlistarmaður: Einar Bárðar, Kurt Cobain, John Lennon og Hlynur Ben

Uppáhalds sjónvarpsþáttur: Cheers og Friends

Á hvað trúir þú: Jesú Krist

Hvað er best og verst í fari þínu: Ég tel mig almennt skemmtilegan og lífsglaðan mann. Verst er kannski hvað ég get verið fjarri því að vita takmörk með húmor.

En í fari annara: Óheiðaleiki og þegar fólk er með lélegan húmor

Ef þú þyrftir að syngja í karókí hvaða lag myndir þú velja: I believe in thing called love með Darkness

Hvað hræðist þú mest og hvað veldur þér mestum kvíða: Að ná ekki markmiðum mínum.

Eftirminnilegast úr æsku: Sjálfsagt þegar ég var 9 ára í Disney garðinum í Orlando

Af hverju tekur þú þátt í fegurðarsamkeppni: Til að skemmta öðrum og hjálpa fólki að vera ánægt með eigið útlit ...

Ef ekki í samtímanum, hvenær hefðir þú viljað vera uppi: Ég myndi fara svona 7 ár aftur í tímann og kaupa hlutabréf í Kaupþingi fyrir svona 20 milljónir ..

Lífsmottó eða uppáhalds málsháttur: Þá vitna ég í SSSÓL "Vertu þú sjálfur, gerðu það sem þú vilt". Síðan er þetta alltaf klassi "Þetta reddast, ekkert stress"
Draumastarfið: Ætli það sé ekki skemmtikraftur bara þessa stundina. Annars hlakka ég til að byrja að kenna.

Draumabíllinn: Trabant úr kassanum

Uppáhaldsmaturinn: Ætli það sé ekki bara næstum allur matur í heimi. Nema brúnaðar kartöflur !

Hvað er fegurð? Hamingja. Hamingjusamt fólk er fallegt.
Hvernig er rómantískt kvöld? Ef ég bara vissi

Hvernig ætlar þú að slá í gegn? Ætli ég sé ekki búinn að slá nóg yfir æfina

Hvern myndirðu helst vilja hitta? Jesú


Já þetta er nú áhugavert og skemmtilegt

Þangað til næst ..

Ég ætla að byrja með nýjung hérna á síðunni og mun sá liður heita "þriðjudagsþrautin". Ég stefni á að vera með þetta hálfsmánaðarlega að lágmarki. Ég vill samt líka vekja athygli aftur á vændismyndbandinu í blogginu hérna fyrir neðan :)

Spurt er; Úr hvaða Íslensku kvikmyndum eru eftirfarandi setningar:

Ég verð alltaf þunglindur þegar ég fer út á land

Síma? Ég er með allar græjur sko

Passaðu þig að kafna ekki úr skapvonsku

Ég bara skil þetta ekki. Ég er búinn að hringja og hringja en fæ alltaf beint samband við Færeyjar

Hún lét mig sitja einan í myrkrinu, og það á Chaplin mynd

Ég ætla að taka með mér stuttbuxur

Það kom svolítið upp á í fyrirtækinu

Nei þetta er allt til einkaneyslu

Og húsvarðarræfillinn var bara að biðja hann um að koma á vakt

Haltu kjafti þarna alkóhólistinn þinn. Maggi minn? Þegiðu þarna homminn þinn.

Kók og prins í boði :)

Þangað til næst ..

Já nú er búið að lögleiða vændi á Íslandi. Í næstu viku verða kanabisreykingar eflaust leifðar og skattsvik opinberlega leifð í maí. Allt eru þetta skref í stefnu frjálshyggju og þjóðaröryggis sem gefa góða ímynd út á við. Frábært að banna einhverja "klámráðstefnu" hérna og lögleiða svo vændi þrem vikum seinna. Þetta er álíka vitlaust og bjóða Keikó að vera heiðursgestur þegar hvalveiðar hófust á ný.

Fjármálaráðherra var kærður á dögunum af einhverjum algjörum snillingi. Málið er að þessi maður seldi blíðu sína Pólskri verkakonu á 10.000kr. Fékk maðurinn sér vsk númer og borgaði virðisaukaskatt eins og lög gera ráð fyrir. Þá er Alþingi/Fjármálaráðherra 3. aðilinn í þessu ferli og fær beinar tekjur af vændinu sen slíkur. Það er ólöglegt og því kærði maðurinn fjárlmálaráðherra fyrir athæfið :)

Hérna eru mínar hugmyndir um Hvernig lögleiðing vændis átti sér stað á Ísland



Þangað til næst ..

Já það hafa mörg tár fallið og margar helgar aldrei komist á flug, því jú, fimmtudagsfyrirsagnirnar hafa verið í pásu. Nú er öldin önnur og er þessar fyrirsagnir komnar aftur og vonandi verða þær sem lengst :)

Endilega segja hver er best ;)



og auðvitað ..

Þangað til næst ..

Það er haustkvöld í Neskaupstað. Ég, Siggi Willi og Ingi Steinn ákváðum að fara út á Sæbakka og hitta Jóhönnu og Helgu Kristínu. Það var niðamyrkur eins og ekta septemberkvöld bera með sér. Mig sterklega minnir að ég hafi verið nýbyrjaður í 9. bekk. Eitthvað gengur okkur erfiðlega að finna okkur eitthvað til dundurs. Gengið er um bakkana og talað um hvað sé gaman að skólinn sé byrjaður aftur. Einhver fær þá frábæru hugdettu að athuga hvort að einhver tjöld séu ennþá út á tjaldstæði. Við röltum þangað úteftir og blæs vitaljósið reglulega á okkur. Þegar á tjaldstæðið er komið var niðurstaðan frekar mikil vonbrigði, einn skitinn VW húsbíll. Þetta var heldur minna en hafði verið fyrir um mánuði á undan, en þá var Neistaflug einmitt haldið. Ekta kvöld í Neskaupstað þegar maður var unglingur sem nennti að leika sér úti. Niðamyrkur, ekkert að ské en maður hélt í vonina að einhver kæmi með góða hugmynd. Mig minnir sterklega að ég hafi komið með hugmynd þessa kvölds og var ég með einhvern framkvæmdarglaðasta félaga minn með mér í för, Sigurð Vilmund Jónsson. Ég ber upp hugmyndina að við skyldum safnast að annari hlið bílsins og hrissta hann. Sigga fannst þetta frábær hugmynd og fylgdu Jóhanna, Ingi og Helga K á eftir. Við komum okkur fyrir og byrjum að hrissta. Eftir um þriggja sekúndna gjörning heyrist pottahljóð inn í bílnum og karlmannsrödd öskrar "HEY HEY". Við hlupum eins hratt og við hátum í burtu, en Daníel Geir seinheppni hljóp auðvitað í aðra átt en allir hinir. Fór ég niður fyrir tvíbílin og njósnaði og sá ég mann koma út úr húsbílnum. Fremur lágvaxinn, pattaralegur, illa rakaður, krullhærður og hálfsköllóttur maður með gleraugu um fimmtugt. Hvað er spookey gæinn oft þannig í kvikmyndum? Ég ákvað að fara neðar í brekkuna og fikra mig áfram inn eftir. Ég kem síðan upp á Sæbakka og fer á róluvöllinn sem er þarna. Ég byrja að róla mér og er hjartað alveg á milljón. Ég hugsaði með mér, hvar í fjáranum ætli hinir séu? Ég sé síðan manninn koma frá tjaldstæðinu og í áttina að mér. Þar sem ég var ekki sá sprettharðasti ákvað ég að halda kyrru fyrir og róla mér áfram. "Hvernig á hann að vita að ég hafi verið í þessu, hugsaði ég með mér". Hann kemur askvaðandi í áttina að mér og segir með þýskum hreim "Where are the others?" Ég ákvað að leika heimska túristan og spyr "What are you talking about?" Hann varð reiður og segir "What are you doing?" Ég bendi í áttina að húsinu hennar Helgu K og segist búa þar og vera að leika mér. Hann labbar alveg upp að mér og segir "I saw you touching my car!! IF YOU DO IT AGAIN, I´LL KILL YOU", síðan rekur hann fingurinn undir kjálkabeinið og stingur nöglinni í hálsinn á mér og snýr við. Ég gersamlega fraus! Ég heyri kallað úr þvottahúsinu hjá Helgu og fer ég þangað. "HVAÐ GERÐI HANN VIÐ ÞIG? HVAÐ SAGÐI HANN? DJÖFULL ER ÞETTA CREAPY GAUR" voru setningar sem þutu um þröngt þvottahúsið. Ég var svo stjarfur að ég kom vart upp orði. Við förum aftur út. Þegar við erum búin að vera úti í rúma mínútu, sjáum við manninn aftur. Ekki var nóg að vera næstum búinn að drepa mig úr hræðslu, hann ætlaði sko að ná tali af öllum sem áttu í hlut. Þegar þarna er komið ákváðum við að fara hver til síns heima! Þegar ég kom heim, festi ég ekki svefn fyrr en eftir langt spjall við foreldra mína og mikla íhugun. Þessi lífsreynsla verður mér ætíð í fersku minni ....

Maðurinn lítur einhvernvegin svona út og er nafnið óneytanlega viðbjóðslegt

Maðurinn í stóra tjaldstæðismálinu var reyndar ekki með mottu

 

10 skoðanir takk

Þangað til næst ..

Ég pæli stundum í því hvernig sé að vera málhaltur. Þá ætti til dæmis titill þessarar bloggfærslu vel við ef einhver spyrði mig hvaða dagur sé. Ég þekki aðeins einn gormmæltan og hefur komið fyrir að ég hafi hringt á hans heimili og viðkomandi svarað. Ef ekki væri fyrir þetta áhugamál mitt myndi samtalið vera dæmigert eins og;

Viðkomandi: Halló
Ég: Hæ er X heima?
Viðkomandi: Já bíddu aðeins

Þetta inniheldur enga gleði. En þar sem viðkomandi er með nokkur R í nafninu sínu, að þá er samtalið svona þegar hann svarar, og það er aldrei spurning hver svarar á þessu heimili.

Viðkomandi: Halló
Ég: Já halló, hver er þetta?
Viðkomandi segir síðan nafnið sitt með öllum þeim R-um sem þarf og er gormmæltur. Ég stríði ekki fólki vegna svona hluta, en þetta finnst mér mjög gaman.

Það var einu sinni Þýskur skiptinemi í VA og var hún með mér í nokkrum áföngum. Náði hún sér í kærasta, Íslenskan, og náði mjög góðum tökum á íslenskunni á stuttum tíma. Kærasti stelpunnar var óreglulegur nemandi, sem þýðir að hann var með frjálsa mætingu. Einu sinni var hann lesinn upp og greyið þýska stelpan ætlaði að segja kennaranum að kærastinn sinn væri óreglulegur. Að heyra þjóðverja ætla sér að segja óreglulegur var eitthvað sem verður mér lengi í fersku minni, því jú allir þjóðverjar eru gormmæltir. Prófið að segja "óreglulegur" og þykjast vera gormmælt.

Ég var einu sinni að vinna í Olís og var ég sjoppumegin, eins og þetta var þá, og þá kemur kúnni inn. Stelpa afgreiddi kúnnan sem er smámæltur og bað hann um pulsu. Þá varð ég að taka nokkur skref í burtu því að ég er svo veikur fyrir svona hlutum. Síðan ber viðkomandi upp þessa spurningu "er nokkuð séns að fá franska sinnepssósu á pulsuna?" Ég hélt ég myndi ekki lifa þetta af! En svarið var því miður nei.

Það var líka einu sinni maður í Neskaupstað sem er gormmæltur sem sagði sögu af sér um borð í skipi. Maður þessi er gormmæltur. Sagan er einhvernvegin svona:
Gormur: Strákar ég var nú svolítið sniðugur um helgina.
Hinir: Nú?
Gormur: Já ég var að gera símaat í nokkrum kellingum og ruglaði og ruglaði í þeim.
Hinir: Jájá, varstu ekkert hræddur um að þær myndu fatta hver þetta væri?
Gormur: Nei nei nei ég breytti bara röddinni.

Óborganlegt.

Að lokum;
Ég var einu sinni á skótamóti á Dalvík. Svona unglingardeildarlandsmóti. Þar voru einhverjir af erlendu bergi brotnir og var einn þeirra að þakka fyrir að fá að vera á landsmótinu, en hann var jú frá Þýskalandi. Til að geta talað við okkur svo við skildum hann, talaði viðkomandi á ensku. Þá strax er þetta orðið talsvert fyndnara. En ekki nóg með það að heyra gormmælta ensku, heldur var þessi ágæti þjóðverji smámæltur í þokkabót!! Segjum sem svo að hann væri að segja frá uppáhalds kvikmyndinni sinni;
(ég skrifa ekki rétta ensku)

My favorate movie is the movie, with the great actors, Silvester Stalone and Sharone Stone, I think I remember it rigt, the name is The Specialist.

Ég væri til í að heya þessa setningu.

Þangað til næst ..

Á föstudaginn síðast liðinn var hreint út sagt mögnuð árshátíð hjá Kennaraháskóla Íslands. Ég fór með virkilega óhóflegar væntingar af stað í fyrirpartý. Fyrirpartýið var magnað og ferðin upp eftir (Gullhamrar) mjög skemmtileg, enda sungið og trallað í rútu alla leið. Fyrir utan hélt svo stuðið áfram og var ég beðinn af formanni árshátíðarnefndar að hvíla mig á gítarnum svo árshátíðin gæti hafist á réttum tíma hehe. Já mögnuð stemning. Maturinn var síða virkilega góður og Björgvin Franz var frábær veislustjóri. Buff lék svo fyrir dansi og var ballið magnað. Ég fór svo niður í bæ eftir árshátíðina og skemmti mér konunglega. Þetta var í heild sinni eitt skemmtilegasta kvöld sem ég hef átt og verður það lengi í minnum haft! :)

Ég kom heim á sunnudagskvöld og byrjaði vettvangsnámið mitt á mánudaginn. Mér líst vel á þetta og er ég að fara að kenna 2. bekk.

Það er búið að vera sól og blíða síðan ég kom og er mjög gott að vera kominn heim aðeins. Enda hef ég ekki verið hérna mikið síðan síðasta sumar. Ég er mjög ánægður með breytingarnar hjá Snorra í Egilsbúð og líst mér rosalega vel á þetta hjá stráknum. Hann massar þetta held ég.

Svo ætla ég að fara upp á skarð um helgina held ég að renna mér á skíðum loksins. Kominn tími til.

En já bara gott að frétta og allir í stuði :)

Þangað til næst ..

Já þá er keppnin búin og endaði þetta bara ágætlega. Ég er mjög ánægður með minn árangur og kom ég öllu því til skila sem ég ætlaði mér. Nú kemur bara að 15 mínútna frægð og sjónvarspþætti á skjá 1 í næstu viku.

Ég vil þakka öllum sem mættu og studdu mig kærlega fyrir komuna og þetta var ótrúlega gaman :)

En ég ætla að koma með stemmara handa ykkur fyrir helgina :) Fúsi tók upp með mér frumsamið lag í vikunni og ætla ég að deila því með ykkur hér.

Góða skemmtun um helgina.

PARTÍLAG HÉR!

Þangað til næst ..

Já eftir sólarhring verð ég í græna herberginu í Austurbæ. Það verður stuð og vonandi á ég eftir að skila mínu :) Ég hlakka allavega alveg gífurlega til.

Mér finnst dómgæslan athyglisverð, en sá sem fær mestu fagnaðarlætin, hann vinnur! Stuðst verður við desibil mæli. Ef þetta væri hlutlaus dómnefnd eða hlutlaus salur væri ég hvergi banginn, en þetta stuðar mig aðeins. Ég vona því að allir mínir félagar hafi tök á að mæta. Þetta á örugglega að koma í veg fyrir að Færeyjingar geti orðið Fyndnasti maður Íslands, þar sem Færeyjingur er eflaust að fara að vinna X-factor.

Keppnin byrjar klukkan 20:30 og er í Austurbæ.

Er ekki málið að mæta bara?

Þangað til næst ..

Þegar ég var 14 ára byrjaði ég í stjórn Atom þar sem bekkjarbróðir minn hætti, og ég kom inn í staðinn. Var ég í stjórninni með Sigfúsi og Höskuldi. Árið eftir var ég líka í stjórn.

Síðan fór ég í VA og byrjaði sem 1. árs fulltrúi. Ég var formaður NIVA næstu 3 ár á eftir.

Þegar ég byrjaði í Kennó var ég 1. árs fulltrúi. Ég var varaformaður árið á eftir og er s.s. þangað til á föstudaginn.

Ég hef starfað í BÍSN og Byggingarfélagi námsmanna. Ég hef starfað lítillega í Félagi framhaldsskólanema. Ég hef starfað í hinum ýmsu nefndum og ráðum og var mér sjálfsagt mesti heiður að þegar ég var í VA og í nokkur skitpi var bent á mig til að aðstoða nemendur með persónuleg vandamál.

Ég hef tekið þátt í skipulagningu á ótal viðburðum og hefur það verið alveg fáránlega gaman.

Ég sat fund hjá menntamálanefnd alþingis á dögunum og var það svolítið töff fannst mér.

Ég var á sínum tíma yngsti formaður nemendafélags í framhaldsskóla í sögu FF var mér sagt.

Þessi tími hefur gefið mér alveg ótrúlega mikla reynslu og fullt af frábærum minningum sem ég gæti talið endalaust upp.

Ég hef á þessum tíma verið í dagblöðum og tímaritum, sjónvarpinu og á kaffistofum austfirðinga.

Ég hef fengið mörg skemmtileg hrós og fólk dáðst af þeim tíma sem ég hef gefið í þetta og hefur það verið mér ákaflega dýrmætt.

Ég bauð mig fram í stúdentaráð KHÍ í síðustu viku en kosningarnar hefjast á miðvikudag.

Ég sendi tölvupóst í gær og dró framboð mitt til baka og sagði mig úr öllum þeim ráðum og nefndum sem ég starfa í.

Ég er hættur í þessum pakka.

Ástæðurnar eru margar en aðal ástæðan er kannski sú að ég hef ekki alveg jafn gaman af þessu og ég gerði og mig er farið að langa að fást við eitthvað nýtt.

Ég vil þakka öllum þeim sem ég hef starfað með í gegnum tíðina, með ATOM, VA, ME, KENNÓ, FF, Fjarðabyggð, Nesskóla o.fl. kærlega fyrir þennan frábæra tíma.

Á mánudaginn næsta verð ég "óbreyttur námsmaður" í fyrsta skipti síðan í 8. bekk í barnaskóla. (var reyndar í skemmtinefndinni og ofur góður DJ í 7. bekk á kvöldvökunum til sælla minninga).

Þetta má vel virka sjálfhverfult blogg en ég er nú bara að tína til það sem ég hef starfað, í grófum dráttum. Vona að fólk haldi ekki að ég sé að setja mig á eitthvað háan hest, en þegar ég lít til baka er ég mjög stoltur.

Þangað til næst ..

Ég ætla að koma með stjórnmálapistil hérna aldrei þessu vant.

Ómar Ragnarsson opinberaði í haust að hann væri á móti Kárahnjúkavirkjun og sagðist vera óhæfur til að fjalla um málið vegna þess að hann hefði svo sterkar skoðanir á þessu og gæti vart lengur fjallað um það hlutlaust.

Þessi staðhæfing var svipuð því og ef Ómar hefði farið heim með karlmanni kvöld eftir kvöld og ár eftir ár. Segjum að hann væri 40 árum yngri og tæki alltaf með sér karlmenn heim til foreldra sinna, þar sem hann byggi sjálfur, og þau væru meðvituð um öll hans mál. Síðan myndi Ómar segja "Heyriði mamma og pabbi, ég er nú samkynhneigður og langaði að deila því með ykkur. Það hefur lengi legið á mér að segja ykkur frá þessu en nú vill ég opinbera þetta fyrir ykkur".

EINS OG ÞAU HAFI EKKI GRUNAÐ NEITT?

Ómar datt að mínu viti úr takt við raunveruleikann eftir þessa opinberun sína. Að vilja að stíflan yrði minnisvarði um eitthvað sem aldrei gerðist var ein hugmyndin. Byggja flugvöll var önnur, til hvers? Ætti að bjóða upp á svona fallhlífarstökkshreindýraveiðar? Síðan vildi hann halda maraþon neðanjarðar. Hann vildi að við myndum "kaffæra finnum" með sitt jólasveinaland og halda jólasveinafestival við Kárahnjúka ár hvert.

Þegar Ómar talaði í viðtölum var hann svo æstur að hann gat ekki verið málefnalegur í bland.

Ómar var fastagestur á RÚV en kannski frekar á fréttastofu stöðvar 2. Þorsteinn Már leitaði uppi menn á móti virkjun og talaði við Ómar trekk í trekk meðan lónið var að fyllast smátt og smátt.

Fréttastofa Stöðvar 2 hlýtur að skipa stóran sess á framboðslistum Ómars þar sem þau fullkomnuðu rugl sitt í sínum fréttaflutningi með því að kjósa hann mann ársins 2006. Nú hefur Ómar gert margt frábært og verið Íslendingum ofboðslega mikil eign. En það sem hann afrekaði á árinu 2006 var í raun bara að "koma út úr skápnum" og setja það markmið að setja sveitarfélög austurlands á hausinn.

Ómar er ennþá virkilega reglulega í sjónvarpinu vegna síns framboðs og er honum tekið sem konungi í öllum fréttaþáttum, af fréttamönnunum sjálfum.

Það hefur enginn ferðast meira um Ísland en Ómar Ragnarsson. Hann hefur tekið fjöldan allan af myndum sem munu nýtast Íslendingum um ókomin ár.
Ómar hefur samið fjöldan allan af skemmtilegum lögum og textum og verið áberandi skemmtikraftur í gegnum tíðina.
Ómar hefur verið í baráttu um að ólympískir hnefaleikar verði leifðir á Íslandi, og er það raunin í dag.

Ég sá Ómar um daginn á snilldarbíl. Eldgömlum flottum, pínulitlum bíl.

Ég þoli ekki Ómar Ragnarsson

Þangað til næst ..

Fimmtudagur í dag. Sem þýðir, rétt eins og alla fimmtudaga, að ég er búinn að nýta vikuna illa og ætla að rífa mig upp af rassgatinu um helgina en á örugglega ekki eftir að fylgja því eftir. Í kvöld er keilumót í kennó og stefni ég á ótvíræðan sigur þar, bæði í liða og einstaklingskeppni. Það er búningaþema og ætlum við að vera eins og Tinni. Hvað er betra en að vera rauðhærður, hálf rauður í framan, í furðulegum fötum og með toppinn greiddan upp í loft? Kannski að Hans Stephensen geti svarað því.

Ég lenti í skondnu atviki í gær. Ég var á klósettinu að gera númer tvö og var frekar þreyttur þar sem ég var nýkominn úr ferð með félagsmiðstöðinni minni. Ég var orðinn frekar þreyttur og halla mér svona aftur að veggnum og viti menn, beint á takkann til að sturta niður. Fann ég kuldan blossa í skálinni og náðu etv. nokkrir dropar að fóta sig á mínum líkama. Frekar kjánalegt en skemmtilegt atvik engu að síður.

Ég er í Séð og heyrt sem kom út í dag, þannig að ég er orðinn einn af þessum stóru. Ég ætla nú ekki að fara út í það hvernig ég myndaðist en það er samt merkilegt hvað ófrítt fólk talar alltaf um hvað það myndist illa.

Það er vika í keppni og þú ert eflaust ekki búin(n) að kaupa þér miða. Farðu endilega á uppistand.is og kynntu þér málið.

Það verða ekki fyrirsagnir í dag og er ég að spá í að hvíla þær í mars mánuði. Veit ekki fer eftir stemningu.

En ein mynd í lokin af Sigga Willa og mér. Mig langar að segja ykkur eina sögu af Sigga áður en þið kíkið á myndina. Siggi var fljótur að ná tökum á golfkylfu og náði ótrúlega löngum skotum. Yfirleitt skaut hann inneftir í áttina að Ara Dan. En það fannst honum lítið fútt og ákvað að skjóta frekar niður í bæinn. Eitt skotið endaði í þakrennunni á húsinu hans og fór hún gersamlega í frumeindir. Eitt skot sem er mér líka minnisstætt endaði á þakinu hjá Stellu Stóru. Golfæfingum var hætt þann daginn eftir það skot.

Myndin er tekin á Showinu og fékk ég hana lánaða hjá Margréti Sæný.

 

Þangað til næst ..